גרויס התעוררות ביי שווערע טויזענטער אידן חסידים ואנשי מעשה וועלכע האבן באלאגערט די שטאט ‘צאנז’ ביומא דהילולא קדישא פון קוה”ק מרן בעל דברי חיים זיעועכי”א .

‘הכנסת אורחים בוני צאנז’ האט ווי אלע יארן אנגעפירט מיט די פארצווייגטע אינטערנעמונגען:

פיר גיגאנטישע שאטערס זענען אויף געשטעלט געווארן פארן סעודת הילולא און די ברייטע מאלצייטן פאר די טויזענטער אורחים .

רחבת’דיגער שאטער היכל התורה ללימוד התורה מיט ספרי קודש שטארק באגריסט.
דער היסטארישער בית הכנסת הישן דק”ק צאנז יצ”ו איז באנוצט געווארן פאר צענדליגער מנינים שחרית מנחה מעריב דורכאויס די 48 שעה פונעם יארצייט.
באזונדער האט פארנומען א חשוב’ן ארט די געהויבענעם ‘מסע התעוררות צאנז’ וואס נכדו כ”ק מרן אדמו”ר מבאבוב 45 שליט”א האט אונטערגענומען אין שפיץ פון מאסן חסידים בליעה”ר מכל קצוי תבל וואס פאר זיי איז עקסטער געווען צוגעגרייט דער ביהכ”נ הישן לתפלה און באשטימטע שעות, אזוי אויך ספיציעלע פערמיטן ביי די שטאטישע איסטאנצן פאר שאטער’ס און גיגאנטישע היכל השלחנות, רייכע מאלצייטן פאר חסידי באבוב 45 וכו’.

דער בית החיים און דער אהל הקדוש ספעציעל איינגערישט און אויסגעשטאטעט מיט פילע איינריכטונגען לטובת אלפי המשתטחים, שאטער מיוחד בפתח האהל לאמירת תהלים, ליכט שאטער, קוויטלעך שאטער, וכדומה.

פלאטע פון צאנזער שאטעלס האבן קורסירט ארום די צאנזער גאסן מיט געניטע סדר

דעזיגנירטער שטח פאר כהנים מול פני האהל מיט די מעגליכקייט אריינצוקוקן ביז די מצבה

‘חברה הצלה דעיר צאנז’ פונקציאנירט מיט היימישע פאראמעדיק”ס פון קרית יואל האבן געטריי געהאלפן דעם ציבור האלפים מיט מעדעצינישע באהאנדלונגען

בברכת: מען זאל האבן גע’פועל’ט אלעס גוט’ס